Ubuntu GNU/Linux

Ubuntu GNU/Linux sistemarako sotwarea

2008-10-22T23:07:00.007+02:00

GetDeb.net oso zibergune egokia da Ubuntu GNU/Linux sistema eragilerako softwarea topatzeko. Proba ezazu.

Distrowatch :: Telefónica tima :: Ikastube :: Ikasvlogak

Beryl, Aiglx eta Ubuntu

2008-03-03T17:36:00.002+01:00

Ubuntu Beryl eta Aiglx, baturik, besteak beste, honako idazmahai hau edukitzeko. Eta gainera Ubuntu GNU/Linux sistema eragilean. Hori da indarra! Iraupena: 03:28.

Distrowatch :: Telefónica tima :: Ikastube :: Ikasvlogak

Bigarren bazkaria Leioako txinatarrean

2008-02-21T18:19:00.003+01:00

Gaur eguerdian bigarren bazkaria egin dugu. Bertan izan gara Enrique Arce, Angel Larrauri, Angel Bidaurrazaga, Angel Núñez, Joseba Lauzirika eta ni-neu. Gero, Berritzegunean, Joseba ez da egon, baina bai Juan Pedro Rodriguez eta Xabier Bilbao. Alboan, argazkia ikus daiteke. Azkenean dendan gauzak erosteko eskaria osatu dugu. Gai asko, batez ere, kaperatxoak eta kamisetak.

Telefónica tima :: Ikastube :: Ikasvlogak

Hardy bertsioko hobekuntzak

2008-02-14T10:14:00.004+01:00

Ubuntu 8.04 bertsioak oraingoz ez du itxura berririk edukiko, hau da, ez dugu tema berrik ikusiko 8.10 bertsioa heldu arte. Hala ere hobekuntza nabariak ikusiko ditugu Ubuntu 8.04 bertsioan; hala nola, Firefox 3, PulseAudio, Transmission eta Compiz Fusion efektu hobeak. Ikus dezazuen zelako temak egiten ari diren Ubuntu-n beha ondo Gnome interfazeari Gelatin deritzon tema ikusteko.

Distrowatch :: Telefónica tima :: Ikastube :: Ikasvlogak

3. ikasgaia: Ubunturen bertsioak

2008-02-03T10:04:00.008+01:00

Ubuntuk erabiltzen duen bertsio sistema Debian distroak daukana bezalakotsua da. Bertsio bakoitzari izen bana ematen zaio. Horrela izenak eta zenbakiak ere erabil daitezke bertsio desberdinak izendatzeko. Azkenekoak honakoak dira:

Warty Warthog :: Warthy bertsioa, alegia :: 4
Hoary Hedgehog :: Hoary bertsioa, alegia :: 5.04
Breezy Badger :: Brezzy bertsioa, alegia :: 5.10
Dapper Drake :: Dapper bertsioa, alegia :: 6.06
Edgy Eft :: Edgy bertsioa, alegia :: 6.10
Gutsy Gibbon :: Gutsy bertsioa, alegia :: 7.10
Hardy Heron :: Hardy bertsioa, alegia :: 8.04

Ubuntu ziberguneak wikia dauka bertsio baten ibilbidea ikusteko. Horrela, garatzaileek eta erabiltzaileek Gutsy bertsioa denboran nondik nora doan ikus dezakete. Jendeak galdetu ohi du nola egiten den bertsio batetik bestera pasatzeko. Lehenbizi kontutan hartu behar dugu ingelesez horri upgrading-a deitzen zaiola eta zilegi dela egitea baldin eta bertsioak elkarren segidakoak badira. Horrek esan nahi du Breezy bertsiotik Dapper bertsiora pasatu ahal garela sistema eragile osoa berriro ere instalatu gabe.

Distrowatch :: Telefónica tima :: Ikastube :: Ikasvlogak

2. ikasgaia: Ubuntu eta Gnome

2008-02-03T02:18:00.001+01:00

Ubuntu distroak Gnome erabiltzen du leiho sistema bezala. Gnome eta KDE Linux-ek dituen leiho sistema erabilienak dira. Ubuntu KDE sistemarekin baliatu nahi izatekotan, Kubuntu deskargatu behar da. Horrexegatik, argiro geratu behar zaigu Ubuntu-rekin Gnome kargatzen dugula eta Kubunturekin KDE. Galdetzen badidazue zein den hobea, ba, biak onak direla esango dizuet. Usabilitate handiko eskritorio edo idazmahai sistemak dira biak. Gnome hasiera-hasieratik erabat librea izan da; eta KDE-k QT libreriak erabat libre egon ez ziren arren, geroago GPL lizentziarekin atera zituzten eta beraz, Gnome bezain librea da gaur egun. Biek dituzte garatzaileak bost kontinenteetan, nahiz eta gehienak Europan eta Ameriketan dauden.

Distrowatch :: Telefónica tima :: Ikastube :: Ikasvlogak

VLC erreproduktorea Ubuntu sisteman

2008-02-02T01:46:00.001+01:00

VLC edo Videolan erreproduktorea da gehien gustatzen zaidana. Totem edukitzeaz gain, ez da batere ideia txarra VLC ere ukaitea. Ikus dezagun ondoren nola instalatu Ubuntu distroan.

Kode iturrietan "universe" deritzon zerbitzari-izpilua hataturik ukan behar duzue (Synaptics). Gogoratu non dagoen apt direktorioan: /etc/apt/sources.list. Bestela, Goiko barrara joan eta System>Sistema-konfigurazioa>Software Sources aukeran universe eta gainerako izpiluak hautatu. Apt metodoa erabiliz gero, honako egin sudo-a erabiliz root baimenak edukitzeko:

% sudo apt-get update
% sudo apt-get install vlc vlc-plugin-esd mozilla-plugin-vlc

Behin instalazioa amaituta, Applications>Soinua eta bideoa>VLC Media player azpimenuan daukazue programa, edonoiz erabiltzeko prest. Gogoratu programa bitara egin ahal duzuela fitxategiak irekitzeko: lehenbizi programa abiarazi eta gero fitxategia bilatu; edo, fitxategia eskueran daukazuenean saguaren eskuineko botoia sakatu eta azpimenuan "abiarazi VLC programaren bidez" aukeran klik egin.

Distrowatch :: Telefónica tima :: Ikastube :: Ikasvlogak

Frantziako polizia Ubunturekin hasiko da

2008-02-01T09:29:00.001+01:00

Albiste pozgarria irakurri berri dugu hainbat hedabidetan. Barrapuntok gaur bertan argitaratu du berria. Frantziako polizia Ubuntu erabiltzen hasiko da. Antza, poliziak ere konturatu dira DRM gabeko sistema eragileak zein onak diren segurtasunerako. Datuak seguru edukitzea eta Interneteko konexioetan daturik ez uztea hirugarren baten esku ezinbestekoa da horrelako erakunde batean. Hiru arrazoi eman dituzte migrazioa egiteko: Las razones que dan para el cambio son tres: enpresa bakar baten esku ez egotea, sistema eragilea kontrolatzea eta azkenik kostu baxua. Sun enpresa ahaltsuak ere blogean argitaratzen du albiste pozgarria.

Distrowatch :: Telefónica tima :: Ikastube :: Ikasvlogak

Ubuntu Planet sortzekotan

2008-01-30T10:12:00.001+01:00

Ubuntukideok lehen bilera egin dugu. Leioako jatetxe txinatarrean bapo eta merke bazkaldu eta gero (bide batez, txinera praktikatzeko aukera izan dugu), Lamiakoko berritzegunera joan gara Ubunturi buruz hitz egitera. Hona hemen bertan egindako argazki bi.

Distrowatch :: Telefónica tima :: Ikastube :: Ikasvlogak

Ubuntu 7.10 instalatzeko gida

2008-01-30T01:05:00.001+01:00

Ubuntu instalatzea errazago egitearren-edo, bideo gida hau egin dut. Ikastube.com bideogunean ere utzi dut ea nire ikasleak instalatzen animatzen diren. YouTube-n ere ikusgai dago.

Distrowatch :: Telefónica tima :: Ikastube :: Ikasvlogak

1. ikasgaia: Ubuntu zer den

2008-01-25T20:13:00.001+01:00

Ubuntu GNU/Linux sistema eragilea da zenbait zaporetan aurkitu ahal duguna:

Kubuntu: Ubuntu baina KDE leiho sistemarekin
Xubuntu: makina zaharretan gauzatzeko Ubuntu arina
Edubuntu: hezkuntzarako Ubuntu sistema eragilea
Ubuntu Studio: ikusentzunezko profesionalek-eta erabil dezaten.

Ubuntu GNU/Linux Mark Shuttleworth hegoafrikarrak sortu zuen.

Bisita itzazu babesleak:
Distrowatch :: Telefónica tima :: Ikastube :: Ikasvlogak

Edubuntu

2005-10-12T11:26:00.001+02:00

Duela gutxi egon da gure artean, Araban, Mark Shuttledown hegoafrikarra eta Ubunturen sortzaile eta babeslea. Ubuntuk, asteburu honetan beste urrats bat eman du, orain arte gutxik egin dutena egin baitu: irakaskuntzarako distribuzioa burutu dute Edubuntu izenagaz. Atera bezain laster jaitsi dut 669 MB dituen iso irudia eta irrikitan nago unibertsitateko ordenagailu batean probatzeko. Edubuntuk, hala ere, Gnome eskritorioa dauka, eta nire lagunek dakiten bezala, nik KDE nahiago dut. Hortaz, Kedubuntu nahiago nukeen nik. Hala ere, ezin itxaron Kedubuntu noiz aterako, zeren Edubuntu 5.10 distroa azken Ubuntu egonkorrean oinarritzen baita. Edubuntu 5.10 distroa 6-18 urteko gazteentzat dago pentsatuta eta datu gehiagoren berri edukitzeko prentsa oharra atera dute bere wikigunean. Zalantzarik ez dago, ondo aztertu beharreko distroa dela. Nik, bien bitartean, Knoppix Debian 4 distroarekin segitzen dut.

Bisita itzazu:
Ubuntu :: Distrowatch :: Telefónica tima

Videolan edo VLC erreproduktoreaz

2005-10-09T11:42:00.001+02:00

Aspaldi honetan bideo erreproduktoreak arakatzen ibili naiz. Egia esan, GNU/Linux munduan batzuetan informazio eza nabaritu dut nik. Askotan ez dakigu zelan lortu bideo erreproduktore ona. Linux distribuzioetan Kaffeine, Xine eta XMMS datoz sistema eragilearekin batera. Programa horiek probatu eta kalitate falta ikusten da sarritan formatuaren arabera bideoaren esparruan. XMMS oso ona da musikarako, baina bideorako zerbait hobea behar zen. Libreriak jaitsi behar, findu eta gainerako lanak egiteko guztiak ez daude prest. Horrexegatik, aholkatu nahi dizkizuet bi erreproduktore on, benetan kalitatea eta formatu eta kodek-ekin problemarik ematen ez dutenak edo problema gutxi behintzat. MPlayer Xine baino hobea da eta aspaldi honetan konturatu naiz Videolan oraindik hobea dela. VCD-MPEG1, MPEG4-XviD, MP3, OGG… ia formatu guztiak erreproduzitu ahal ditu Videolan-ek. Multiplataforma denez gero, Windows eta Mac sistema eragileetan ere erabil daiteke. Honako pisua du Videolan programak bi sistema horietan:

Windows :arrow: 7.9 MB
MacOS X :arrow: 11 MB

Videolan erreproduktoreak oso FAQ edo Sarriro Egiten diren Galderen atal polita dauka beren zibergune ofizialean, edozein zalantza argitzeko. Programatzaile gehienak frantsesak dira, antza. Debian GNU/Linux Sarge-n nola jaisten den programa erakutsiko dizuet ondoko lerroetan:

0. Debian Sarge distribuzioaren /etc/apt/sources.list fitxategian honako bi lerroak erantsi behar dituzue:

#deb http://download.videolan.org/pub/videolan/debian sarge main
#deb-src http://download.videolan.org/pub/videolan/debian sarge main

1. Instalatzeko ohiko komandoa:

# apt-get update
# apt-get install vlc libdvdcss2

2. Joan komando kontsolara eta programa abiarazteko honakoa idatzi:

vlc

OpenPuppets maskotak

2005-07-12T12:05:00.001+02:00

Extremadurako Francisco Muñoz kimika irakaslearen ikasbitakora bikainaren bidez enteratu naiz OpenPuppets proiektuaz. Software Librearen alde egitearren eta software mota honek duen filosofiarekin segitu nahirik (proiektu bakoitzak bere maskota) diseinuzko maskota ederrak sortzen dituzte bertan. OpenPuppets Organica Design enpresaren ardurapean dago eta ondoko Tux bezalako maskotak egiten dituzte. OpenPuppets-en gunean sartzen bazarete eskritorioko tapiz politak aurkituko dituzue, baita Ssoftware Librearen alde nola egin ere, inportanteagoa dena. Zurezko maskotak eta jostailuak ere egiten dituzte bertan.

Distrowatch :: Telefónica tima :: Ikastube :: Ikasvlogak

Laguntza-sistema: man komandoa

2005-07-02T12:14:00.001+02:00

Sistema eragile orotan dago erabiltzaileari laguntza emateko moduren bat. GNU/Linux-en ere sistemari laguntzeko eskatzea dago. Linux-en maiz ibiliko dugun komandoa da man, laguntza emateko komandoa baita.

Man hitz laburtuak manual esan nahi du. Komando zehatz batek zer funtzio daukan jakin nahi badugu man hitzaren atzean eta hutsune bat utziz, komandoa idazten da. Esaterako, man su ipintzen badugu, laguntza sistemak su komandoari buruzko informazioa dakarkigu.

Hortaz, man laguntza-liburuak aukera ematen digu laguntza-sistema honen gainean ere gehiago jakiteko; horretarako beste behin ipini behar da kontsolan man hitza gorago idatzi bezala; horren sinplea da man edo laguntza sistema erabiltzea.

Distrowatch :: Telefónica tima :: Ikastube :: Ikasvlogak

Leihoen sistema Linux-en

2005-07-02T11:59:00.001+02:00

Leihoen sistema zeharo desberdina da GNU/Linux sistema eragilean Windows-ekin edo Mac sistemekin konparatuz gero. Ikus dezagun zer den ingurune grafikoa Tux-en sisteman.

0. Ingurune grafikoa eta testuala

Erabiltzaileen interfaze grafikoa (GUI) grrantzitsua da oso sistema eragileak arrakasta lor dezan, hau da, hedapen handia eskuratzeko. Interfaze grafikorik gabe nekez heldu ahal da informatikaz jakintza txikia edo ertaina duen jendearentzat. Hortaz, leihoen administrazio sistemari ere erreparatu ahal zaio Linuxen distribuzioak erosten ditugunean. Jarduera hori ia ezinbestekoa bihurtzen da Mac edo Windows sistemak baino ezagutzen ez dituztenentzat. Kontu honetan, lehenik eta behin, Linux Windows ez-bezalako sistema dela esan behar dugu. Pinguinoaren kasuan, pantailan agertzen den guztia sistema eragilearen gune zentralaren gainean dago, eta beraz, testuan oinarritzen dira erabiltzaileek sistemarekin dituzten elkarreraginak. Horren maitatua den kontsolaren oinarrian daude interfazeko elementuak (leihoak, ikonoak, panelak eta abar). Teklatua da nagusi, nolabait esateko. Eta sistema eragilearen erabateko kontrola edukitzeko teklen jabe egin behar dugu. Linux, Unix-en klonikoa izanik, testuan oinarritutako sistema eragile ahaltsua da. Edozer egiteko testua erabil daiteke, shell-ean komandoak ipiniz. Horrela izan zen 1991. urtean sortu zenean, eta horrelaxe da gaur egun urte andana iragan ostean. Alabaina, Linux-en grafismoa ere badago egon, distribuzio desberdinek leiho sistema erakargarria baitute. Horrek ez du kentzen, alta, sistema operatibo honen muina den testuari muzin egitea, Linux-en testuan baitago ahalmena. Komandoak erabiltzeko trebezian dago gakoa. Hortaz, Linux erabiltzen hasteaz batera ona da terminalean lan egiten ohitzea.

1. X Windows sistema

Microsoft-en sistema operatiboak bi geruza ditu: nukleoa eta shell grafikoa, eta horiexek darabiltzagu egunero botoi eta pantailetan klik egiten dugunean. Linux-ek, ostera, hiru geruza ditu: lehenengoa komandoen lerroaren nukleoa da; goi geruza interfaze grafikoa da, erabiltzailearen eta SOaren arteko bitartekotza betetzen duena; eta hirugarren geruza, X Windows da edo X letraz ezagutzen dena. X Windows horrexek ematen dizkio erabiltzaileari erreminta guztiak, behar dituenak, ingurune grafikoa sortu ahal izateko. X Windows elkarreraginean dago txartel grafikoarekin eta goi geruzak behar dituen gauzak ematen ditu, era horretan objektu grafikoak ikusteko eta sortzeko aukera emanez. Bistan da X Windows gabe ez dagoela komunikaziorik beste bi geruzen artean eta beraz pantailan ez genuke ezer ikusiko hori jazoko ez balitz.

Linux-ek, izan ere, abantaila du Windowsen aldean, pinguinoaren sistema erabiltzaileari askatasuna ematen baitzaio interfaze grafikoa aldatzeko, makina bat aukera emanez. Windowsen, ordea, erabiltzaileak Microsoft-en hautu batzuen menpe daude.

X geruzari esker linux-erabiltzaileek leihoen kudeatzaileak alda ditzakete sistemari ukitu pertsonala emanez. Horrela, X beste bi geruzen artean kokaturik, goiko geruza erraz-erraz aldatzen da, patrikako telefonoen kasuan karatula koloretsuak aldatu ahal diren bezalaxe.

Distrowatch :: Telefónica tima :: Ikastube :: Ikasvlogak